சிக்கிம் அரசானது உள்ளூரில் ‘கட்லி’என அறியப்படும் ‘கூப்பர் மஹ்சீர்’ என்ற மீனை மாநில மீனாக அறிவித்துள்ளது.
இந்த மீனின் அறிவியல் பெயர் நியோலிசோசிலஸ் ஹெக்ஸகோனோலெபிஸ் (Neolissochilus hexagonolepis) என்பதாகும்.
கட்லி மீனின் முக்கியத்துவத்தை எடுத்துரைக்கவும், அதன் வளங்காப்பு நடவடிக்கைகளுக்கு முக்கியத்துவம் கொடுக்கவும் வேண்டி இந்த முடிவானது மேற் கொள்ளப் பட்டுள்ளது.
இந்த மீன் சிக்கிம் மாநிலத்தில் அதிக சந்தை மதிப்பினைக் கொண்டது.
இது அம்மாநில மக்களால் அதிகம் விரும்பப்படும் மீன் வகையாகும்.
மேலும் அந்த மாநிலத்தின் நீர்த்தேக்கங்களில் மீன்பிடிப்பு நடவடிக்கைகளுக்கு அனுமதி வழங்கப் படும் எனவும் சிக்கிம் அரசு அறிவித்துள்ளது.
அந்த நீர்த்தேக்கங்கள் வடக்கு சிக்கிமில் சுங்தாங், மேற்கு சிக்கிமில் லெஷெப் மற்றும் கிழக்கு சிக்கிமில் மக்சு மற்றும் ரோரத்தாங் ஆகிய இடங்களில் உள்ளன.