PREVIOUS
✖
மிகவும் அதிகமான மக்கட் தொகையுடைய நகரம்
May 22 , 2018
2379 days
762
0
- ஐநா அமைப்பினுடைய புதிய மதிப்பீட்டின் படி, 2028-ஆம் ஆண்டு வாக்கில் உலகில் மிகவும் அதிகமான மக்கட்தொகையைக் (Most populous city) கொண்ட நகரமாக டெல்லி காணப்படும் என அறிவிக்கப்பட்டுள்ளது.
- ஐநா அமைப்பின் பொருளாதாரம் மற்றும் சமூக விவகாரங்களுக்கான துறையினுடைய (UN Department of Economic and Social Affairs-UN DESA) மக்கட் தொகை பிரிவு (Population Division) உலக நகரமயமாதலின் வாய்ப்புகள் (World Urbanisation Prospects) எனும் அறிக்கையின் 2018-ஆம் ஆண்டிற்கான திருத்திய பதிவை வெளியிட்டுள்ளது.
- இதன்படி, 2050 - ஆம் ஆண்டில் உலகினுடைய நகர்ப்புறங்களில் உலக மக்கட்தொகையில் 68 சதவீதத்தினர் வசிப்பர் என கணக்கிடப்பட்டுள்ளது.
- 2018 ஆம் ஆண்டு மற்றும் 2050 ஆம் ஆண்டிற்கு இடைப்பட்ட காலத்தில் உலகினுடைய நகர்ப்புற மக்கட்தொகையில் 35 சதவீத வளர்ச்சியானது இந்தியா, சீனா மற்றும் நைஜீரியாவில் உருவாகும் எனக் கணிக்கப்பட்டுள்ளது.
- 2050-ஆம் ஆண்டில் இந்தியாவில் கூடுதலாக 416 மில்லியன் நகர்ப்புறவாசிகள் இருப்பர். சீனாவில் கூடுதலாக 255 மில்லியன் நகர்ப்புறவாசிகள் இருப்பர் எனவும் நைஜீரியாவில் 189 மில்லியன் நகர்ப்புறவாசிகள் இருப்பர் எனவும் கணக்கிடப்பட்டுள்ளது.
- இந்த அறிக்கையின் படி, டோக்கியோ நகரமானது 39 மில்லியன் நகர்ப்புறவாசிகளைக் கொண்ட உலகின் மிகப்பெரிய நகரமாகும். அதைத் தொடர்ந்த இடத்தில் 29 மில்லியன் நகர்ப்புறவாசிகளோடு புதுடெல்லியும், 26 மில்லியன் நகர்ப்புறவாசிகளோடு ஷாங்காய் நகரமும் உள்ளது.
Leave a Reply
Your Comment is awaiting moderation.