✖
முதலாவது உலக பருத்தி தினம் - அக்டோபர் 7
October 7 , 2019
1819 days
743
0
- உலக வர்த்தக அமைப்பானது (World Trade Organisation - WTO) முதலாவது உலக பருத்தி தின கொண்டாட்டங்களை சுவிட்சர்லாந்தில் உள்ள ஜெனீவாவில் நடத்தியது.
- உலகப் பருத்தி தினத்தை அதிகாரப்பூர்வமாக அங்கீகரிக்குமாறு “பருத்தி - 4 நாடுகள்” ஐ.நா பொதுச் சபைக்கு கோரிக்கை வைத்ததைத் தொடர்ந்து இந்த நிகழ்வு உருவாகியது.
- பருத்தி -4 நாடுகள்
- பெனின்
- பர்கினா பாசோ
- சாட்
- மாலி
- இத்தகைய தினமானது ஒரு உலகளாவியப் பண்டமாக பருத்தியின் முக்கியத்துவத்தைப் பிரதிபலிக்கின்றது.
நோக்கங்கள்
- WCD (World Cotton Day) ஆனது பருத்தியின் பல நன்மைகளை அதாவது, ஒரு இயற்கை இழை என அதன் குணங்களிலிருந்து, அதன் உற்பத்தி, உருமாற்றம், வர்த்தகம் மற்றும் நுகர்வு ஆகியவற்றின் வாயிலாக மக்கள் பெறும் நன்மைகள் வரை கொண்டாடுகின்றது.
- இது உலகெங்கிலும் உள்ள பருத்திப் பொருளாதாரங்கள் எதிர்கொள்ளும் சவால்களைப் படம் பிடித்துக் காட்டுகின்றது.
- உலகளவில் குறைந்த அளவில் வளர்ச்சி பெற்ற, வளரும் மற்றும் வளர்ந்த பொருளாதாரங்களுக்குப் பருத்தி முக்கியமானதாக விளங்குகின்றது.
முக்கியத்துவம்
- ஒரு டன் பருத்தியானது சராசரியாக 5 நபர்களுக்கு ஆண்டு முழுவதும் வேலைவாய்ப்பினை வழங்குகின்றது.
- இது வறண்ட காலநிலைக்கு உகந்த, வறட்சியைத் தாங்கிக் கொள்ளும் ஒரு பயிராகும்.
- இது உலகின் விளை நிலங்களில் 2.1 சதவீதத்தை மட்டுமே கொண்டுள்ளது. ஆனால் இது உலகின் ஜவுளித் தேவைகளில் 27 சதவீதத்தைப் பூர்த்தி செய்கின்றது.
இந்தியாவில்
- ஐந்து நாள் நடைபெறும் இந்த நிகழ்வில் மத்திய ஜவுளித் துறை அமைச்சரான ஸ்மிருதி இராணி இந்தியாவைப் பிரதிநிதித்துவப் படுத்தினார்.
- தேசிய விருது பெற்ற நெசவாளரான பிட்டா ராமுலு என்பவர் கைராட்டையால் நெசவு செய்யப்படுவதன் செய்முறை விளக்கத்தை செய்துக் காண்பித்தார்.
- வெங்கடகிரி, சந்தேரி, மகேஸ்வரி மற்றும் இக்காட் ஆகிய ரகத்தைச் சேர்ந்த புடவைகள் போன்ற புவிசார் குறியீடு வழங்கப்பட்ட ஆடைகள் இந்த நிகழ்வில் கரிம பருத்தியுடன் காட்சிக்கு வைக்கப் பட்டன.
- கர்நாடகாவின் தார்வாடில் வளர்க்கப்படும் இயற்கை வண்ணப் பருத்தியானது அடர் பழுப்பு, நடுத்தர பழுப்பு, பச்சை மற்றும் குழைம வண்ணங்களில் இந்த நிகழ்வில் காட்சிப்படுத்தப் பட இருக்கின்றது.
Leave a Reply
Your Comment is awaiting moderation.