PREVIOUS
✖
யுனெஸ்கோ நிர்வாகக் குழுவின் துணைத் தலைவர்
December 9 , 2023
224 days
140
0
- யுனெஸ்கோ நிர்வாகக் குழுவின் துணைத் தலைவர் பதவிக்கான வாக்கெடுப்பில் இந்தியாவை வீழ்த்தி பாகிஸ்தான் வெற்றி பெற்றுள்ளது.
- ஐக்கிய நாடுகள் சபையின் (UN) ஒரு சிறப்பு நிறுவனமாகவும் செயல்படுகிற யுனெஸ்கோவின் நிர்வாகக் குழுவானது அதன் மூன்று அரசியலமைப்பு உறுப்புகளில் ஒன்றாகும்.
- பொது அவை மற்றும் செயலகம் அதன் மற்ற இரண்டு அமைப்புகளாகும்.
- 2025 ஆம் ஆண்டு வரை நான்கு வருடக் காலத்திற்குப் பதவி வகிக்கும் வகையில் 2021 ஆம் ஆண்டு இந்தியாவானது யுனெஸ்கோ நிர்வாகக் குழுவிற்குத் தேர்ந்தெடுக்கப் பட்டது.
- ஒரு தலைவர், ஆறு துணைத் தலைவர்கள் மற்றும் நிரந்தரக் குழுக்கள் மற்றும் அந்தக் குழுக்களின் ஐந்து தலைவர்கள் உட்பட 12 உறுப்பினர்களை நிர்வாகக் குழுவின் பணியகமானது கொண்டுள்ளது.
- யுனெஸ்கோவின் அனைத்து உறுப்பினர்களும் ஆறு பிராந்திய தேர்தல் குழுக்களாகப் பிரிக்கப்பட்டுள்ளனர் என்பதோடு அத்தகைய ஒவ்வொரு குழுவும் ஒரு துணைத் தலைவரால் பிரதிநிதித்துவப் படுத்தப்படுகிறது.
- ஆஸ்திரேலியா, வங்காளதேசம், சீனா, குக் தீவுகள், இந்தியா, இந்தோனேஷியா, ஜப்பான், பிலிப்பைன்ஸ், கொரியக் குடியரசு, இலங்கை மற்றும் வியட்நாம் ஆகியவற்றை உள்ளடக்கிய தொகுதி IV பிரிவின் துணைத் தலைவருக்கான இந்தத் தேர்தலில் பாகிஸ்தான் வெற்றி பெற்றுள்ளது.
- குழு I (மேற்கு ஐரோப்பா மற்றும் வட அமெரிக்க நாடுகள்), குழு II (கிழக்கு ஐரோப்பிய நாடுகள்), குழு III (லத்தீன் அமெரிக்கா மற்றும் கரீபியன் நாடுகள்), குழு IV (ஆசிய மற்றும் பசிபிக் நாடுகள்), குழு V (a) (ஆப்பிரிக்கன் மாநிலங்கள்) மற்றும் குழு V (b) (அரபு நாடுகள்) ஆகியவை அந்த ஆறு குழுக்களாகும்.
Leave a Reply
Your Comment is awaiting moderation.