ரோஹிங்கியா விவகாரம் குறித்து சர்வதேச நீதிமன்றமானது (International Court of Justice - ICJ) தனது தீர்ப்பை வழங்கியுள்ளது.
நீதிமன்றத்தின் இந்தத் தீர்ப்பானது மியான்மரைக் கட்டுப்படுத்துகின்றது. மேலும் இந்தத் தீர்ப்பினை எதிர்த்து மேல்முறையீடு எதுவும் செய்ய முடியாது.
இருப்பினும், இதனை நடைமுறைப்படுத்த வேறு எந்த வழியும் நீதிமன்றத்திற்கு கிடைக்க வில்லை.
காம்பியா குடியரசு நாடானது மியான்மர் இனப்படுகொலை செய்ததாகக் குற்றம் சாட்டி 2019 ஆம் ஆண்டு நவம்பரில் ICJயில் அந்நாட்டின் மீது வழக்குத் தொடர்ந்தது.
57 உறுப்பு நாடுகளைக் கொண்ட இஸ்லாமிய ஒத்துழைப்பு அமைப்பானது (Organisation for Islamic Cooperation - OIC) காம்பியாவை ஆதரித்தது.
மியான்மர் நாட்டினை நோபல் பரிசு பெற்ற ஆங் சான் சூகி பிரதிநிதித்துவப் படுத்தினார்.
இதுவரை, இரண்டாம் உலகப் போருக்குப் பின்னர் உலகளவில் மூன்று இனப் படுகொலை வழக்குகள் மட்டுமே அங்கீகரிக்கப்பட்டுள்ளன. அவை: கம்போடியா (1970 ஆம் ஆண்டுகளின் பிற்பகுதி), ருவாண்டா (1994) மற்றும் ஸ்ரேப்ரினிகா & போஸ்னியா (1995) ஆகியவை ஆகும்.
மியான்மர் நாட்டின் கடலோரப் பகுதியான ரகைன் மாகாணத்தில் உள்ள ரோஹிங்கியா கிராமங்கள் மீது மியான்மர் இராணுவம் மிருகத்தனமான ஒடுக்குமுறையைத் தொடங்கியதில் 2017 ஆம் ஆண்டு முதல் இதுவரை 7.3 லட்சம் ரோஹிங்கியாக்கள் வங்க தேசத்துக்குத் தப்பிச் சென்றுள்ளனர்.
ICJ பற்றி
உலக நீதிமன்றம் என்று அழைக்கப்படும் சர்வதேச நீதிமன்றமானது ஐக்கிய நாடுகள் சபையின் முதன்மை நீதித்துறை ஆகும்.
ICJ ஆனது நாடுகளுக்கிடையேயான பிரச்சனைகளைத் தீர்த்து வைக்கின்றது மற்றும் ஐ.நா. அமைப்பால் குறிப்பிடப்படும் சர்வதேசச் சட்ட சிக்கல்கள் குறித்து ஆலோசனைக் கருத்துக்களை வழங்குகின்றது.
ஐ.நா. அமைப்பின் உறுப்பு நாடுகள் அனைத்தும் ICJயின் உறுப்பினர்களாகும்.
ICJ இன் தலைமையிடமானது நெதர்லாந்தின் தி ஹேக்கில் உள்ள அமைதி அரண்மனையில் அமைந்துள்ளது. இது நியூயார்க் நகரில் அமையாத ஒரே ஐ. நா அமைப்பாகும்.
இதன் அதிகாரப்பூர்வ அலுவலக மொழிகள் ஆங்கிலம் மற்றும் பிரஞ்சு ஆகியவை ஆகும்.
ICJ ஆனது 15 நீதிபதிகள் கொண்ட குழுவைக் கொண்டுள்ளது.
இந்த 15 பேரில், தல்வீர் பண்டாரி என்ற இந்தியர் 2012 ஆம் ஆண்டு முதலாக சர்வதேச நீதிமன்றத்தில் இந்திய உறுப்பினராக உள்ளார். இவர் இந்திய உச்ச நீதி மன்றத்தின் நீதிபதியாக இருந்துள்ளார்.
இவரது பதவிக்காலம் ஆனது 2027 ஆம் ஆண்டில் முடிவடைகின்றது.