இரஷ்யா அணு ஆயுதத் திறன் கொண்ட “உரால்” என்ற ஒரு பனிக்கட்டி உடைப்பானை அறிமுகப்படுத்தியுள்ளது.
இது ஆர்க்டிக்கில் உள்ள வணிகம் சார்ந்த வளங்களைக் கைப்பற்றுவதற்காக இரஷ்யாவின் திறனை மேம்படுத்தும் நோக்கில் தொடங்கப்பட்ட முன்னோடித் திட்டத்தின் ஒரு பகுதியாகும்.
அர்க்திகா (ஆர்க்டிக்) மற்றும் சிபிர் (சைபீரியா) ஆகிய இரண்டு பனிக்கட்டி உடைப்பான்களும் இரஷ்யாவினால் கட்டமைக்கப்பட்டு வருகின்றன.
வெப்பமான காலநிலைகளின் சூழலில், இரஷ்யா புதிய உள்கட்டமைப்புகளை உருவாக்கி, தனது துறைமுகங்களை மேம்படுத்தி வருகின்றது.
வடக்கு கடல் பாதை என்று அழைக்கப்படும் இப்பாதையை ஆண்டு முழுவதுமான கப்பல் போக்குவரத்திற்கு தயாராக இருக்கும் வகையில் இது இப்பாதையின் வழியாக அதிக கப்பற் போக்குவரத்திற்கு வித்திட்டு வருகின்றது.
வடக்கு கடல் பாதை
வடக்கு கடல் பாதை என்பது இரஷ்யாவினால் வரையறுக்கப்பட்ட ஒரு கடல் பாதையாகும். இது நோவாயா செம்லியாவிற்கு கிழக்கில் அமைந்துள்ளது. இது குறிப்பாக சைபீரியாவை ஒட்டி, காரா கடலிலிருந்து ரஷ்யாவின் ஆர்க்டிக் கடற்கரையோரமாகப் பயணித்துப் பேரிங் ஜலசந்தியை அடைகின்றது.
இந்தப் பாதை முழுவதும் ஆர்க்டிக் கடலில் அமைந்துள்ளது. மேலும் இது இரஷ்யாவின் பிரத்தியேகப் பொருளாதார மண்டலத்திற்குள் (EEZ - exclusive economic zone) அமைந்துள்ளது.
இந்தப் பகுதிகள் ஒரு ஆண்டில் இரண்டு மாதங்கள் மட்டுமே பனிக் கட்டிகள் இல்லாமல் இருக்கும்.
ஆர்க்டிக் பனிக் கட்டிகள் உருகுதலானது வடக்கு கடல் பாதையின் வணிகப் பயன்பாட்டையும் போக்குவரத்தையும் அதிகரிக்கும் என்று எதிர்பார்க்கப் படுகின்றது.
இந்தக் கடல் பாதை ஆர்க்டிக் கடலில் கனரக கப்பல் போக்குவரத்தை அதிகரிக்கும். மேலும் இது சூயஸ் கால்வாயில் கப்பற் போக்குவரத்தினால் ஏற்படும் நெரிசலைக் குறைக்கும்.
வணிகத்தில் நிகழும் இந்தத் திட்டமிடப்பட்ட மாற்றங்கள் ஏற்கெனவே அச்சுறுத்தல் நிலையில் உள்ள ஆர்க்டிக்கின் சுற்றுச் சூழலுக்கு மேலும் அழுத்தத்தைக் கொடுக்கும்.