TNPSC Thervupettagam
✖
 
29, Apr 2025
TNPSC Group I Topper Corner
தமிழ் English
தேடல்
தேசியச் செய்திகள்

வனவிலங்குகள் (பாதுகாப்பு) சட்டத் திருத்த மசோதா 2021

December 16 , 2022 865 days 518 0
  • வனவிலங்குகள் (பாதுகாப்பு) சட்டத் திருத்த மசோதாவானது, 2022 ஆம் ஆண்டு டிசம்பர் 08 ஆம் தேதியன்று, பாராளுமன்றத்தின் குளிர்காலக் கூட்டத் தொடரில் மாநிலங்களவையில் நிறைவேற்றப்பட்டது.
  • இது 1972 ஆம் ஆண்டு வனவிலங்குகள் (பாதுகாப்பு) சட்டத்தில் குறிப்பிடத்தக்க சில திருத்தங்களைச் மேற்கொள்கிறது.
  • இந்த ஆண்டின் ஆகஸ்டு மாதத்தில் இந்த மசோதா மக்களவையில் நிறைவேற்றப் பட்டது.
  • இந்தச் சட்டத்தினால் பாதுகாக்கப்படும் உயிரினங்களுக்கு வழங்கப்படும் பாதுகாப்பை அதிகரிப்பதை இந்த மசோதா நோக்கமாகக் கொண்டுள்ளது.
  • அழியும் நிலையில் உள்ள வன விலங்குகள் மற்றும் தாவரங்களின் (CITES) இனங்களில் மேற்கொள்ளப்படும் சர்வதேச வர்த்தகம் தொடர்பான உடன்படிக்கையின் விதிகளை இந்தச் சட்டத்தில் செயல்படுத்துவதன் மூலம் இந்த நடவடிக்கையினை மேற்கொள்ள திட்டமிடப் பட்டுள்ளது.
  • 43வது பிரிவில் மிக முக்கியமான திருத்தம் ஒன்று மேற்கொள்ளப்பட்டுள்ளது.
  • முதல் அட்டவணையில் இடம் பெற்றுள்ள யானை இனங்களை, ‘சமய அல்லது வேறு எந்த நோக்கத்திற்காகவும்’ பயன்படுத்த இது அனுமதிக்கிறது.
  • இத்திருத்தத்திற்கு வனவிலங்கு ஆர்வலர்கள் மற்றும் விலங்கு நிபுணர்கள்  ஆகியோர் கடும் விமர்சனத்தைத் தெரிவித்துள்ளனர்.
  • இந்தியாவில் விலங்குகளில் மேற்கொள்ளப்படும் சட்டவிரோத வர்த்தகத்தினைத் தடுக்கும் இன்ன பிற  ஒழுங்கு முறைச் சட்டங்கள்
    • சுங்கச் சட்டம், 1962
    • வெளிநாட்டு வர்த்தகம் (மேம்பாடு மற்றும் ஒழுங்குமுறை) சட்டம், 1992
    • ஏற்றுமதி இறக்குமதி கொள்கை மற்றும் வனவிலங்கு (பாதுகாப்பு) சட்டம், 1972.


Post Views:
518

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்