PREVIOUS
✖
வருடாந்திர சர்வதேசக் கடன் அறிக்கை 2024
December 9 , 2024
13 days
87
0
- உலக வங்கியானது சமீபத்தில் 2024 ஆம் ஆண்டின் சர்வதேசக் கடன் அறிக்கையினை வெளியிட்டுள்ளது.
- அதிக வருமானம் உள்ள பல நாடுகளில் விதிக்கப்படும் நெருக்கடி மிக்க பணவியல் கொள்கைகளானது வட்டி விகிதங்களை 20 ஆண்டுகளில் இல்லாத அளவுக்கு உயர்த்தி உள்ளது.
- வளர்ந்து வரும் நாடுகள் ஆனது, 2023 ஆம் ஆணடில் தங்கள் வெளிநாட்டுக் கடனைச் செலுத்துவதற்கு முன்னெப்போதும் இல்லாத வகையில் சுமார் 1.4 டிரில்லியன் டாலர் தொகையினைச் செலவிட்டுள்ளன.
- வட்டி செலுத்துதலுக்கானச் செலவினம் சுமார் 33 சதவீதம் அதிகரித்து 406 பில்லியன் டாலராக உள்ளது.
- உலகின் மிகவும் ஏழ்மையான மற்றும் மிகவும் பாதிக்கப்படக் கூடிய நாடுகள் இந்த ஆண்டில் 96.2 பில்லியன் டாலர் மதிப்பிலான கடன்களைச் செலுத்தியுள்ளன.
- அசல் தொகையினைத் திருப்பிச் செலுத்துதல் ஆனது, சுமார் 8 சதவீதம் குறைந்து 61.6 பில்லியன் டாலராக உள்ள நிலையில், வட்டிச் செலவுகள் இதுவரை இல்லாத அளவுக்கு 34.6 பில்லியன் டாலரினை எட்டியது.
- இது ஒரு தசாப்தத்திற்கு முன்பு இருந்ததை விட நான்கு மடங்கு அதிகமாகும்.
- மிகக் குறைவான மற்றும் நடுத்தர வருமானம் கொண்ட நாடுகளின் ஒருங்கிணைந்த வெளிநாட்டுக் கடனானது 2023 ஆம் ஆண்டின் இறுதியில் 8.8 டிரில்லியன் டாலர்களை எட்டிய நிலையில் இது 2020 ஆம் ஆண்டில் இருந்த அளவினை விட சுமார் 8 சதவிகிதம் அதிகரித்துள்ளது.
- வங்காளதேசம் மற்றும் இந்தியா ஆகிய இரு நாடுகளானது, 2023 ஆம் ஆண்டில் வட்டித் தொகையில் 90 சதவீதத்திற்கும் அதிகமான அதிகரிப்பைச் சந்தித்துள்ளன.
Leave a Reply
Your Comment is awaiting moderation.