முக்கிய தினங்கள்

வருமான வரி தினம் - ஜூலை 24

July 27 , 2022 761 days 261 0

1860 ஆம் ஆண்டில் இதே நாளில், இந்தியாவில் வருமான வரி முதன்முதலில் வரியாக விதிக்கப் பட்டதை நினைவு கூறும் வகையில் இந்த தேதியானது தேர்ந்தெடுக்கப் பட்டது.
2010 ஆம் ஆண்டில், இந்த வரி விதிக்கப்பட்டதன் 150 ஆண்டுகள் நிறைவடைந்ததைக் குறிக்கும் வகையில், முதல் முறையாக இந்தத் தினத்தினைக் கொண்டாடுவதற்கு வருமான வரித் துறை முடிவு செய்தது.
இந்த ஆண்டு 162வது தேசிய வருமான வரி தினமாகும்
இந்தியாவில் வருமான வரியானது, 1860 ஆம் ஆண்டில் சர் ஜேம்ஸ் வில்சன் என்பவரால் முதல் முறையாக விதிக்கப்பட்டது.
1922 ஆம் ஆண்டில் அறிமுகப்படுத்தப்பட்ட வருமான வரிச் சட்டமானது, நேரடி வரி நிர்வாகத்திற்கான சரியான கட்டமைப்பை வகுத்தது
1924 ஆம் ஆண்டில், வருமான வரிச் சட்டத்தை நிர்வகிப்பதற்கான செயல்பாட்டுப் பொறுப்புகளைக் கொண்ட ஒரு சட்டப்பூர்வ அமைப்பாக மத்திய வருவாய் வாரியம் உருவாக்கப்பட்டது.
1963 ஆம் ஆண்டில், மத்திய வருவாய் வாரியம் இரண்டாகப் பிரிக்கப்பட்டு, மத்திய நேரடி வரிகள் வாரியம் (CBDT) எனப்படும் நேரடி வரிகளுக்கான தனி வாரியம் ஆனது, 1963 ஆம் ஆண்டு மத்திய வருவாய் வாரியச் சட்டத்தின் கீழ் உருவாக்கப்பட்டது.