PREVIOUS
✖
வாழ்க்கைத் தரத்திற்கான மெர்சர் தரவரிசை 2018
April 4 , 2018
2430 days
780
0
- 20-வது வாழ்க்கைத் தரத்திற்கான மெர்சர் தரவரிசை 2018ன் படி உலகம் முழுவதும் உள்ள 450 நகரங்களில் எடுக்கப்பட்ட கணக்காய்வுகளில், இந்தியாவின் ஹைதராபாத் மற்றும் பூனா ஆகிய இரு நகரங்களும் 142வது இடத்தைப் பெற்று வாழ்வதற்கான சிறந்த இந்திய நகரங்களாகத் திகழ்கின்றன.
- இவற்றைத் தொடர்ந்து பெங்களூரு (149), சென்னை (151), மும்பை (154), கொல்கத்தா (160) ஆகிய நகரங்கள் உள்ளன. டெல்லி 162 ஆவது இடத்தைப் பிடித்து இவ்வறிக்கையின் படி இந்திய நகரங்களில் கடைசி இடத்தில் உள்ளது.
- தொடர்ந்து ஒன்பதாவது ஆண்டாக வியன்னா முதலிடத்தைப் பிடித்துள்ளது, சுரிச் இரண்டாவது இடத்திலும், ஆக்லாண்டு மற்றும் முனிச் ஆகியவை மூன்றாவது இடத்திலும் உள்ளன.
- வான்குவெர் நகரம் 5-வது இடத்தைப் பிடித்து, தரவரிசையில் வட அமெரிக்காவின் முதலிடத்தைப் பிடித்த நகரமாக (Highest – Ranked city) விளங்குகிறது.
- சிங்கப்பூர் (25), மான்டிவீடியோ (77) ஆகியவை முறையே ஆசியா மற்றும் இலத்தீன் அமெரிக்காவில் முதலிடத்திலுள்ளன.
- இந்த ஆண்டு மெர்சர், நகரங்களின் சுகாதாரத்திற்கென தனி தரவரிசையை அளித்துள்ளது. இத்தரவரிசை, கழிவுகளை அகற்றுதல், கழிவு நீர் உட்கட்டமைப்பு வசதிகள், தொற்று நோய்களின் அளவுகள், காற்று மாசுபாடு, நீர் இருப்பு மற்றும் நகரங்களின் தரம் ஆகியவற்றை ஆராய்ந்தது.
- நகர சுகாதார தரவரிசையில் ஹொனோலுலு முதலிடத்திலும், ஹெல்சின்கி மற்றும் ஒட்டோவா ஆகிய இரு நகரங்கள் இரண்டாம் இடத்திலும் உள்ளன.
- வங்கதேச தலைநகர் டாக்கா (230) மற்றும் ஹெய்ட்டி தலைநகர் போர்ட் ஆப் பிரின்ஸ் (231) ஆகியவை இத்தரவரிசையில் அடிநிலையில் உள்ளன.
- பெங்களூரு 194வது இடத்தைப் பிடித்து இந்திய நகரங்களில் முதலிடத்தில் உள்ளது. அதைத் தொடர்ந்து சென்னை (199) மற்றும் பூனா (206) ஆகிய நகரங்கள் உள்ளன.
- கொல்கத்தா மற்றும் புதுதில்லி ஆகிய இரண்டும் முறையே 227 மற்றும் 228 ஆகிய இடங்களைப் பிடித்து உலக அளவில் கடைசி 5 நகரங்கள் பட்டியலில் உள்ளன.
Leave a Reply
Your Comment is awaiting moderation.