PREVIOUS
✖
விக்ரம் சாரா பாய் 100வது பிறந்த தினம்
August 13 , 2019
1812 days
790
0
- கூகுள் நிறுவனமானது ஆகஸ்ட் 12 அன்று விஞ்ஞானி மற்றும் கண்டுபிடிப்பாளரான விக்ரம் சாரா பாயின் 100வது பிறந்த தினத்தை கூகுள் டூடுளுடன் அனுசரித்தது.
- அவருக்கு மரியாதை செலுத்தும் விதமாக 2019 ஆம் ஆண்டு செப்டம்பர் 20 ஆம் தேதியன்று நிலவின் தென் துருவத்திற்கு அருகே இறுதியாகத் தரையிறங்கும் நிலவுத் திட்டமான சந்திரயான்-IIல் உள்ள தரையிறங்கும் வாகனமானது விக்ரம் என்று பெயரிடப்பட்டு இருக்கின்றது.
- இவர் இந்திய விண்வெளித் திட்டத்தின் தந்தையாக கருதப்படுகின்றார்.
- இவர் 1966 ஆம் ஆண்டில் பத்ம பூசண் விருதைப் பெற்றுள்ளார். இவர் இறந்த பின்பு 1972 ஆம் ஆண்டில் பத்ம விபூசண் விருது இவருக்கு வழங்கப்பட்டது.
- 1973 ஆம் ஆண்டில் இவருடைய நினைவாக நிலவில் உள்ள ஒரு பள்ளத்திற்கு இவருடைய பெயர் சூட்டப்பட்டது.
- இந்திய செயற்கைக் கோள்களை தயாரிக்க மற்றும் ஏவுவதற்கான ஒரு திட்டத்தை சாராபாய் தொடங்கினார்.
- இதன் விளைவாக, முதலாவது இந்திய செயற்கைக் கோளான ஆரியபட்டா 1975 ஆம் ஆண்டில் இரஷ்ய ஏவுதளத்திலிருந்து ஏவப்பட்டு, சுற்றுவட்டப் பாதையில் நிலை நிறுத்தப்பட்டது.
- இவர் 1963-ஆம் ஆண்டு முதல் 1972 ஆம் ஆண்டு வரையில் இந்திய விண்வெளி ஆராய்ச்சி கழகத்தின் நிறுவனத் தலைவர் ஆவார்.
- மேலும் இவர் விண்வெளிப் பயன்பாட்டு மையத்தின் நிறுவனர் மற்றும் தலைவராகப் (1963 – 1971) பணியாற்றினார்.
- இவரால் தொடங்கப்பட்ட இதர நிறுவனங்கள்
|
1947 ஆம் ஆண்டில் அகமதாபாத்தில் தொடங்கப்பட்ட இயற்பியல் ஆராய்ச்சி ஆய்வகம். |
|
1962 ஆம் ஆண்டில் விண்வெளி ஆராய்ச்சிக்காக அமைக்கப்பட்ட இந்திய தேசியக் குழு. |
|
1963 ஆம் ஆண்டில் திருவனந்தபுரத்தில் அமைக்கப்பட்ட தும்பா நிலநடுக்கோட்டு விண்கல ஏவுதளம். |
|
1961 ஆம் ஆண்டில் அகமதாபாத்தில் உள்ள இந்திய மேலாண்மை நிறுவனம் |
|
1960 ஆம் ஆண்டில் அகமதாபாத்தில் சமுதாய அறிவியல் மையம் |
|
1949 ஆம் ஆண்டில் அகமதாபாத்தில் நிகழ்த்துக் கலைகளுக்கான தர்பன் நிறுவனம் |
இவர் வகித்த தனித்துவமிக்க பதவிகள்
- இந்திய அறிவியல் காங்கிரசில் இயற்பியல் பிரிவின் தலைவர், (1962).
- வியன்னாவில் உள்ள IAEAயின் (சர்வதேச அணுசக்தி ஆணையம்/International Atomic Energy Agency) பொது மாநாட்டின் தலைவர் (1970).
- இந்திய அணுசக்தி ஆணையத்தின் தலைவர் (1966 –1971).
- 'அணுசக்தியின் அமைதியான பயன்பாடுகள்' பற்றிய ஐ.நா.வின் நான்காவது மாநாடு (1971) - துணைத் தலைவர்.
Leave a Reply
Your Comment is awaiting moderation.