சர்வதேசச் செய்திகள்

வேலைவாய்ப்பு உருவாக்கம் மற்றும் உமிழ்வுக் குறைப்பு

February 23 , 2025 11 hrs 0 min 10 0

உலகப் பொருளாதார மன்றத்தின் (WEF) மாறுதல் மிக்க தொழில்துறைக் குழுக்கள் என்ற முன்னெடுப்பில் 13 புதிய தொழில்துறைக் குழுக்கள் இணைந்துள்ளன.
இது 16 நாடுகள் மற்றும் ஐந்து கண்டங்களில் இருந்து இந்த மன்றத்தில் பங்கேற்கும் மொத்தக் குழுக்களின் எண்ணிக்கையை 33 ஆக உயர்த்தியது.
ஆஸ்திரேலியா, பிரேசில், கொலம்பியா, இந்தியா, நெதர்லாந்து, சவுதி அரேபிய நாடு, சுவீடன், தாய்லாந்து மற்றும் ஐக்கியப் பேரரசு ஆகிய நாடுகளைச் சேர்ந்தக் குழுக்கள் புதிதாக இந்த மன்றத்தில் இணைந்துள்ளன.
இந்த மிகப்பெரும் முன்னெடுப்பானது பொருளாதார வளர்ச்சி மற்றும் வேலைவாய்ப்பு உருவாக்கத்தை நன்கு ஊக்குவிக்கும் அதே வேளையில், பசுமை இல்ல வாயுக்களின் வெளியேற்றத்தைக் குறைப்பதை நோக்கமாகக் கொண்டு 2021 ஆம் ஆண்டு COP26 மாநாட்டில் தொடங்கப்பட்டது.
33 குழுக்களும் ஒரு சேர ஆண்டிற்கு 832 மில்லியன் டன் கார்பன் டை ஆக்சைடுக்குச் சமமான உமிழ்வைக் குறைக்கும் ஆற்றலைக் கொண்டுள்ளன.
இது சவூதி அரேபியாவின் உமிழ்வுகளுக்குச் சமமானதாகும்.
இந்த குழுக்கள் உலகின் மொத்த உள்நாட்டு உற்பத்தியில் சுமார் 492 பில்லியன் டாலர் பங்களிப்பைக் கொண்டுள்ளன மற்றும் சுமார் 4.3 மில்லியன் வேலைவாய்ப்புகளை வழங்குகின்றன.