பஞ்சாப் மாநிலக் காவல்துறைப் பொது இயக்குநர் ‘பாராட்டு மற்றும் பரிந்துரை’ என்ற ஒரு திட்டத்தைப் பஞ்சாபில் அறிமுகப் படுத்தியுள்ளார்.
இது சிறப்பாகப் பணிபுரியும் காவல்துறை அதிகாரிகளின் நம்பிக்கையை அதிகரிப்பதை நோக்கமாகக் கொண்டுள்ளது. சிறப்பாகப் பணியாற்றும் காவல் துறையினருக்கு ஒவ்வொரு மாதமும் விருதுகள் வழங்கப்பட இருக்கின்றன.
இந்தத் திட்டத்தின் கீழ், ஒவ்வொரு மாதமும் 25 ஆம் தேதிக்குள் பல்வேறு மாவட்டங்களின் காவல்துறைத் தலைவர்களிடமிருந்து சிறந்த காவல் துறையினருக்கான பரிந்துரைகள் கோரப்படும்.
இந்தப் பரிந்துரைகள் மூத்த காவல்துறை அதிகாரிகள் அடங்கிய குழுவால் ஆராயப்பட்டு, விருது பெறும் காவல் துறையினரின் பெயரானது ஒவ்வொரு மாதமும் 5 ஆம் தேதிக்குள் அறிவிக்கப்படும்.